“Sevilya” “Qarabağ”ın futbolçusu Olavio Juninyonu transfer edib Çempionlar Liqasına vəsiqə qazanacağı təqdirdə Ağdam klubuna əlavə ödəniş edəcək.
İdmanxeber.az “Relevo” nəşrinə istinadən xəbər verir ki, İspaniya təmsilçisi 4 milyon avroluq təzminatdan əlavə ÇL-də çıxışı üçün “Qarabağ”a daha 250 min avro ödəyəcək.
Bundan əlavə, “köhlən atlar” 28 yaşlı hücumçunun növbəti satışından 20 faiz gəlir etmək hüququna sahibdi.
Mətbuatda yer alan xəbərlərə görə, braziliyalı forvard yeni klubu ilə 2+1 illik müqavilə imzalayacaq.