“Ludoqorets”in oyunlarını görməmişəm. Ancaq Bolqarıstanın güclü klublarından biridi”.
Bu sözləri İdmanxeber.az saytına Azərbaycan millisinin sabiq üzvü Rahid Əmirquliyev Çempionlar Liqası III təsnifat mərhələsi çərçivəsində baş tutacaq “Qarabağ” – “Ludoqorets” matçı barədə danışarkən deyib. O, daha sonra belə davam edib:
“Rəqib həmişə avrokuboklarda çıxış edir. Komandamız üçün rahat oyun olmayacaq. “Qarabağ” “Ludoqorets”dən güclüdü. İnanıram ki, təmsilçimiz turu keçəcək. İlk oyun evdə səfər görüşü üçün yaxşı nəticə qazanmaq lazımdı.
Əgər bu mərhələni keçsək, qarşıda “Dinamo” var. Açığı, Zaqreb klubu ilə oyunlar çətin olacaq. Çünki “Ludoqorets” “Dinamo” ilə müqayisədə zəifdi. Xorvatiya təmsilçisi daha yaxşı komandadı. Amma ilk öncə Bolqarıstan klubunu keçmək lazımdı. “Qarabağ”ın bunu bacaracağını düşünürəm. “Dinamo”yla isə bizi çox çətin oyunlar gözləyir”.
“Qarabağ” – “Ludoqorets” oyunu bu gün saat 20:00-da Tofiq Bəhramov adına Respublika stadionunda keçiriləcək.