“Qarabağ”ın Çempionlar Liqasının qrup mərhələsində “Atletiko” ilə səfər oyunu üçün Madriddəki hazırlıq planı bəlli olub.
İdmanxeber.com-un İspaniya mətbuatına istinadən yaydığı xəbərə görə, Ağdam klubunun Madriddə bir məşqi olacaq. “Vanda Metropolitano” stadionunda keçiriləcək məşq oktyabrın 30-u yerli vaxtla 18:30-da (Bakı vaxtı ilə 20:30) başlayacaq.
Qeyd edək ki, “Atletiko” – “Qarabağ” görüşü oktyabrın 31-i keçiriləcək. Bu komandalar arasında Bakıdakı ilk oyun 0:0 hesabı ilə başa çatıb.