Beynəlxalq Futbol Tarixi və Statistikaları Federasiyası (İFFHS) növbəti dəfə dünyanın ən yaşxı klublarının siyahısını açıqlayıb.
İdmanxeber.com-un məlumatına görə, İFFHS-ın tərtib etdiyi cədvəldə dünyanın ən yaxşı 203 komandası yer alıb.
Siyahıda klublarımızdan “Qarabağ”, “Qəbələ” və “İnter”in də adı var.
Ağdam təmsilçisi 142 xalla 77-ci pillədədir. Qurban Qurbanovun komandası İspaniya “Valensiya”sı ilə eyni yeri bölüşür. “Qarabağ” “İnter” (İtaliya), “Borussiya” (Mönhenqladbax, Almaniya), MOİK (Rusiya), “Styaua” (Rumıniya), “Benfika” (Portuqaliya), “Marsel” (Fransa), “Qalatasaray” (Türkiyə) kimi klubları qabaqlayır.
Siyahıya “Barselona” 379 xalla başçılıq edir. “Yuventus” 286 xalla 2-ci, “Napoli” 268 xalla 3-cü yerdə qərarlaşıb.