Bu gün Azərbacayn Premyer Liqasında 24-cü turun oyunları keçiriləcək.
İdmanxeber.com-un məlumatına görə, turun bütün oyunları eyni gündə reallaşacaq.
Tura Sumqayıtda start veriləcək. Burada yerli Sumqayıtın eyniadlı komandası "Neftçi"ni qəbul edəcək. "Sumqayıt"dan 1 xal öndə olan "Neftçi" bu görüşdən qələbə ilə ayrılmaq arzusundadır. Mövsüm sonunacan maksimum nəticə göstərmək istəyən "ağ-qaralar" ən yaxın izləyicisi ilə arasındakı xal fərqini azaltmalıdır.
Günün 2-ci matçında isə "İnter" AZAL-ı qəbul edəcək. Bu matç AZAL üçün böyük əhmiyyət kəsb edir. Belə ki, "təyyarəçilər" Premyer Liqada qalmaq üçün bu matçda mütləq qələbə qazanmalıdır. Əks halda, komandanın elitada qalmaq şansı 0-a enəcək.
Turun son iki oyunu isə eyni saatda start götürəcək. 18:30-dastart götürəcək görüşlərdə "Qəbələ" "Zirə"ni, "Qarabağ" isə "Kəpəz"i qəbul edəcək.
Azərbaycan Premyer Liqası
XXIV tur
2 aprel (bazar)
16:30. “Sumqayıt” – “Neftçi” 2:0
Qol: Bəxtiyar Həsənalızadə, 60 (1:0), Amil Yunanov, 63 (2:0)
Hakimlər: Rəhim Həsənov, Knyaz Əmiraslanov, Cəmil quliyev, Ramil Diniyev
AFFA nümayəndəsi: Abbas Hüseynov
Hakim-inspektor: Şaiq Həmidov
Sumqayıt şəhər stadionu
17:00. "İnter” – AZAL 2:1
QOL: Denis Silva, 48 (1:0), Rauf Əliyev, 90+1 (2:0), Nuqzar Kvirtiya, 90+2 (2:1)
Hakimlər: Rəvan Həmzəzadə, Yaşar Abbasov, Elşad Abdullayev, Fariz Yusifov
AFFA nümayəndəsi: Mübariz Hüseynov
Hakim-inspektor: Kərim Ağayev
“İnter Arena”
18:30. “Qarabağ” – “Kəpəz” 2:1
QOL: Kərim Diniyev, 25 (0:1), Dino Ndlovu, 41 (1:1), Migel Madera, 47 (2:1)
Hakimlər: Rauf Cabbarov, Azər Əsgərov, Vüsal Qənbərov, Əliyar Ağayev
AFFA nümayəndəsi: Vaqif Davudov
Hakim-inspektor: Məlik Həsənov
Tofiq Bəhramov adına Respublika stadionu
18:30. “Qəbələ” – “Zirə” 1:1
QOL: Sergey Zenyov, 8 (1:0), Meza Kolli, 60 (1:1)
Hakimlər: İnqilab Məmmədov, İsgəndər Əliyev, Cavanşir Yusifov, Elvin Əsgərov
AFFA nümayəndəsi: Məmmədəli Məmmədov
Hakim-inspektor: Rövşən Əhmədov
Qəbələ şəhər stadionu