Bu gün futbol üzrə Azərbaycan Premyer Liqasında XIV tura start verilib.
İdmanxeber.az-ın məlumatına görə, günün yeganə matçında “Qarabağ” “Sabah”ın qonağı olub.
“Bank Respublika Arena”da gerçəkləşən qarşılaşma Ağdam təmsilçisinin qələbəsi ilə sona çatıb – 2:1.
Bu nəticənin ardından meydan sahibləri 16 xalla 7-ci pillədə yer alıb. Ağdam təmsilçisi isə bir oyun artıq keçirməklə 29 xalla ilk pillədə qərarlaşıb.
Azərbaycan Premyer Liqası
XIV tur
20:00. “Sabah” – “Qarabağ” 1:2
Qollar: Toral Bayramov, 58-pen (0:1), Nəriman Axundzadə, 60 (0:2), Cesse Sekidika, 63 (1:2)
Hakimlər: İnqilab Məmmədov, Kamran Bayramov, Rəhman İmami, Rauf Allahverdiyev.
Hakim-inspektor: Rəhim Həsənov.
AFFA nümayəndəsi: Elçin Mehtiyev.
“Bank Respublika Arena”
Qeyd edək ki, turun digər oyunları noyabrın 25-26-da baş tutacaq.