Misli Premyer Liqasında 2-ci tur davam edir.
İdmanxeber.az xəbər verir ki, 2-ci oyun günündə 1 matç keçirilib. “Qarabağ” doğma meydanda “Turan Tovuz”la qarşılaşıb. İlk turda “Zirə”yə məğlub olan Ağdam təmsilçisi bu səfər sensasiyaya icazə verməyib – 3:0. “Köhlən atlar” iki oyundan sonra aktivinə 3 xalı yazdırmağı bacarıb.
İlk turda “Araz Naxçıvan”ı məğlub edən “Turan Tovuz” isə bu görüşdən xalsız ayrılıb.
Bu gün keçirilməli olan “Sumqayıt” – “Sabah” oyunu isə təxirə salınıb. Ölkəmizi Avropa Konfrans Liqasında təmsil edən “bayquşlar” “Partizan”la cavab görüşünə daha yaxşı hazırlaşmaq məqsədilə qarşılaşmanın başqa tarixdə keçirilməsini istəyib.
13 avqust (bazar)
18:30. “Qarabağ” – “Turan Tovuz” 3:0
Qollar: Juninyo, 30, Abdullah Zubir, 66, Adama Diakabi, 69
Hakimlər: Rauf Allahverdiyev, Rahil Ramazanov, Teymur Teymurov, İslam Məmmədov
“Azersun Arena”