Premyer Liqada yaranmış fasilədən istifadə edərək Türkiyədə təlim-məşq toplantısında olan “Qarabağ”ın düşərgəsinə yeni futbolçu qoşulub.
İdmanxeber.com-un əldə etdiyi məlumata görə, bu, türkiyəli futbolçu Şükrü Anıl Tökdemirdi.
1996-cı il təvəllüdlü futbolçu hazırda Ağdam klubunun Antalya toplanışına qatılıb. Onun “Qarabağ”da qalıb-qalmayacağına komandanın baş məşqçisi Qurban Qurbanov qərar verəcək.
Qeyd edək ki, Şükrü Anıl Tökdemir hazırda Türkiyə həvəskarlar liqasında mübarizə aparan “Batman Petrolspor”da çıxış edir.