Avropa Liqasının pley-off mərhələsində iştirak edəcək “Qarabağ” və “Qəbələ”nin bütün potensial rəqibləri bəlli olub.
İdmanxeber.com-un məlumatına görə, komandalarımız səpələnməmişlər qrupunda qərarlaşıb. Xal ehtiyatı az olduğundan bu səbətdə yer alan komandalarımızı güclü rəqiblər gözləyir.
UEFA Avropa Liqası pley-off mərhələsi
Səpələnmişlər:
“Borussiya” (Dortmund, Almaniya), “Ayaks” (Hollandiya), “Rubin” (Rusiya), “Atletik” (Bilbao, İspaniya), “AZ Alkmaar” (Hollandiya), “Zaltsburq” (Avstriya), “Viktoriya” (Çexiya), PAOK (Yunanıstan), “Styaua” (Rumıniya), “Yanq Boyz” (İsveçrə), “Sparta” (Praqa, Çexiya), “Fənərbaxça” (Türkiyə), “Standard” (Belçika), “Legiya” (Polşa), “Bordo” (Fransa), “Panatinaikos” (Yunanıstan), “Lex” (Polşa), “Sent-Etyen” (Fransa), “Slovan” (Liberets, Çexiya), “Sauthempton” (İngiltərə), “Krasnodar” (Rusiya), “Belenenses” (Portuqaliya).
Qeyd edək ki, Avropa Liqasının pley-off mərhələsinin püşkü bugün atılacaq. İsveçrənin Nyon şəhərində keçiriləcək tədbir Bakı vaxtı ilə saat 16:00-da başlayacaq.