“Hər kəs “Tottenhem”in necə güclü və səviyyəli komanda olduğunu yaxşı bilir. Erkən qol buraxsaq da komandam ruhdan düşmədi və qələbə qazandı. Ağır oyun keçdi. “Tottenhem”lə səfər matçında da üç xal qazanamq üçün oynayacağıq”.
İdmanxeber.com-un məlumatına görə, bu sözləri Avropa Liqasının qrup mərhələsinə “Qarabağ”la eyni qrupda yer alan “Anderlext”in baş məşqçisi Besnik Hasi “Tottenhem”lə matçdan sonra deyib.
O, daha sonra sözlərinə belə davam edib:
“Qarabağ”a səfərdə məğlub olmağımız bizi çətin vəziyyətə salmışdı. Lakin futbolçularım bu matçda inamlı oynadılar”.
Qeyd edək ki, “Anderlext” doğma meydanında “Tottenhem”i 2:1 məğlub edib.