“Real” qışda heyətini yeni futbolçu ilə gücləndirmək niyyətindədi.
İdmanxeber.az-ın məlumatına görə, “kral klubu” “Lion”da çıxış edən Aleksandre Lakazetti transfer etmək istəyir. Futbolçunun komandası ilə mövsümün sonuna kimi müqaviləsi var.
Maliyyə problemləri yaşayan “Lion” 33 yaşlı futbolçu üçün gələn təklifi dəyərdəndirəcək.
Aleksandre Lakazett bu mövsüm “Lion”un heyətində 14 rəsmi matçda 5 qol vurub və 1 məhsuldar ötürmə ilə yadda qalıb.
Xatırladaq ki, “Lion” “Qarabağ”In Avropa Liqasındakı rəqiblərindən biridi. Fransa klubu noyabrın 28-də Tofiq Bəhramov adına Respublika Stadionunda “köhlən atlar”ın qonağı olub.