Avstriyada təlim-məşq toplanışını davam etdirən “Qəbələ” bu gün növbəti yoxlama oyununa çıxıb.
İdmanxeber.com-un məlumatına görə, Roman Qriqorçukun komandası Avstriyanın “Qrodiq” klubu ilə qarşılaşıb. Matç Roman Qriqorçukun komandasının 7:0 hesablı qələbəsi ilə başa çatıb.
1948-ci ildə yaradılan “Qrodiq” Avstriya çempionatının Regionalliqasının Qərb zonasında çıxış edir.
Qeyd edək ki, “Qəbələ” bundan əvvəl yerli “Fulpmes” (8:0), Rusiya Premyer Liqa təmsilçisi “Axmat”la (0:1) və “Ludoqorets”lə (Bolqarsıtan) (0:2) qarşılaşıb. “Qırmızı qaralar” hər matçdan bir hissədən ibarət olan turnirdə isə “Vakker” (0:1) və Bolqarıstan MOİK-i (0:2) ilə də oynayıb.
30 iyun
Yoxlama görüşü
“Qəbələ” – “Qrodiq” (Avstriya) – 7:0
Qollar: Stiven Monroz, 24, Ürfan Abbasov, 37, Asif Məmmədov, 47,56; Xavi Hernandes 48, Araz Abdullayev, 58-pen, Fərid Nəbiyev, 75