Sloveniyada təlim-məşq prosesini davam etdirən “Qəbələ” ikinci hazırlıq oyununu keçirib.
İdmanxeber.com klubun saytına istinadən yaydığı xəbərə görə, ilk oyunda Sloveniyanın III liqa təmsilçisi “Stoynitsa”nı 1:0 hesabı ilə məğlub edən “qırmızı-qaralar” növbəti qarşılaşmada “Koper” (Sloveniya) ilə üz-üzə gəlib. Matç rəqibin 1:0 hesablı qələbəsi ilə yekunlaşıb.
Qeyd edək ki, “Qəbələ” sözügedən ölkədə növbəti oyununu iyunun 21-i keçirəcək. Muntyanunun komandası Bolqarıstan “Botev”i ilə qarşılaşacaq.