Hollandiya toplanışını davam etdirən “Qəbələ” klubu heyətini daha bir futbolçu ilə gücləndirib.
İdmanxeber.com-un klubun rəsmi “facebook” səhifəsinə istinadən verdiyi məlumata görə, nigeriyalı hücumçu Ekiqo Ehiosun ilə bir illik müqavilə imzalanıb.
1990-cı il iyunun 25-i Nigeriyada anadan olan Ekiqo peşəkar futbolçu karyerasına 2008-ci ildə ölkəsinin “Varri Volfs” klubunda başlayıb. 2011-ci ildə Türkiyə “Samsunspor”una transfer olunan hücumçu bir il sonra eyni ölkənin “Gənclərbirliyi” klubuna keçib. Ekiqo 2013/2014 mövsümünü icarə əsasında “Samsunspor”da keçirib.