Bu gün Azərbaycan kubokunda yarımfinal mərhələsinə start veriləcək.
İdmanxeber.com-un məlumatına görə, bu mərhələnin baş tutacaq hər iki görşü übu gün keçiriləcək.
Çempionatda şansını itirmiş "Xəzər Lənkəran" səfərdə "Qəbələ" ilə qarşılaşacaq. Avrokuboklara getmək üçün tək şansı kuboku qazanmaq olan "Xəzər Lənkəran"dan fərqli "Qəbələ" Premyer Liqada uğurlu nəticə qazansa Avroliqaya bilet sifariş edə bilər. Təbii ki, bunun üçün ilk üç yerdən birini tutmaq lazımdır.
Yarımfinalın digər cütlükləri, "Neftçi" – "Rəvan" görüşündə isə meydan sahibləri favoritdi. Tarixində ilk dəfə yarımfinala yüksələn Güvənç Kurtarın yetirmələri yenidən sürprizə imza ataraq, finala yüksəlməyə can atacaq. Çempionluq şansını demək olar ki, itirən 2Neftçi" isə kuboku qazanmaqla ən azındna mövsümü titulla bitirmək niyyətindədi.
Qeyd edək ki, cavab oyunları aprelin 24-də keçiriləcək.
Azərbaycan kuboku
Yarımfinal, ilk oyunlar
16 aprel (çərşənbə)
16:00. “Qəbələ” – “Xəzər Lənkəran” 3:0
Qol: Nizami Hacıyev, 53, 71, Mendi, 59
Qəbələ şəhər stadionu
19:00. “Neftçi” – “Rəvan” 1:1
Qol: Araz Abdullayev, 52, Tyeqo, 90+2
“Bakcell Arena” stadionu