“Qəbələ” heyətini daha iki futbolçu ilə gücləndirib.
İdmanxeber.com-un klubun saytına istinadən yaydığı xəbərə görə, Qəbələ təmsilçisi portuqaliyalı portuqaliyalı Yazalde Pinto ilə rumıniyalı Aleksandru Benqanı heyətinə cəlb edib. Hər iki futbolçu ilə bir illik müqavilə imzalanıb. Portuqaliyanın “Braqa” klubuna məxsus Pinto “Qəbələ”də icarə əsasında çıxış edəcək.
Qeyd edək ki, 2009-cu ildə “Braqa”ya transfer olan Pinto “Qəbələ”yə keçidinə qədər icarə əsasında bir neçə klubda çıxıb edib. Pintonun son komandası isə Rumıniya “Astra”sı olub. Hücumçu Portuqaliyanın U-20 və U-21 komandalarında çıxış edib.
Müdafiəçi Aleksandru Benqa isə peşəkar futbolçu karyerasına ölkəsində 2006-cı ildə “Braşov” klubunda başlayıb. O, “Qəbələ”yə keçidinə kimi “Petrolul”, “Otelul” (hər ikisi Rumıniya) və “Botev” (Bolqarıstan) kimi komandaların şərəfini qoruyub.