“Şamaxı”nın baş məşqçisi Ayxan Abbasov Azərbaycan Premyer Liqasının 18-ci turunun “Şamaxı” ilə matçından sonra keçirilmiş mətbuat konfransında iştirak edib.
İdmanxeber.az xəbər verir ki, Abbasov 3:1 hesablı qələbə qazandıqları oyunla bağlı bunları deyib:
“Önəmli qələbə idi, çoxdandır bunu istəyirdik. Son 4 matçda komandadan oyun baxımından çox razı qalmışdım. Bu gün də qələbəyə layiq idik. Çoxlu qol epizodlarımız oldu. İkinci hissədə daha diqqətli olduq. Çox sevinirəm ki, gənc futbolçular inkişaf edir. Onları Azərbaycan futboluna qazandırmaq istəyirik. Qışdan sonra çox çətin olacaq. Hər kəs güclənir. Biz də çalışacağıq ki, fasilədə güclənək. Yaxşı təlim-məşq toplanışı keçib, qışdan sonrakı oyunlara hazırlaşacağıq.
Toplanışda Bakıda olacağıq. “Zirə” və “Sabah”la yoxlama oyunu keçirəcəyik. Vaxt azdır. Futbolçular yorğunluğu atmalıdır. İki həftəlik hazırlığı yaxşı keçəcəyik”.