Azərbaycan Premyer Liqasının 2015-2016-cı illər mövsümünün ilk turunda Avropa Liqasında mübarizəni davam etdirən iki komandamız – “Qəbələ” və “Qarabağ” üz-üzə gəldilər və gərgin nkeçən matçda qalib müəyyənləşmədi – 2:2.
İdmanxeber.com-un məlumatına görə, “qırmızı-qaralar”ın baş məşqçisi Qriqorçuk oyundan sonra bunları dedi:
“Düşünürəm ki, bu gün meydançada yaxşı futbol gördüm. Mən “Qarabağ” barədə nəsə demək istəmirəm. Öz futbolçularım barədə danışarkən onu deyim ki, onlarla fəxr edirəm. Futbolçular meydançada əsl kişi kimi davrandılar. Neqativ heç nə görmədim. Onlara təşəkkür edirəm. Yüksək temp görmədik. Bunun səbəbi Avropa Liqasındakı oyunlardır. Mənim hakimlərə böyük hörmətim var. Bizim əleyhimizə olan qırmızı vərəqə və penalti barədə onu deyə bilərəm ki, penalti 100 faiz vardı, amma qırmızı vərəqəyə yaxın bir epizod belə yox idi”.