“Qəbələ”nin baş məşqçisi Roman Qriqorçuk Azərbaycan Premyer Liqasının ikinci turunda AZAL-a qalib gəldikləri oyundan (2:0) sonra fikirlərini bildirib.
İdmanxeber.com-un PFL-in saytına istinadən yaydığı xəbərə görə, o, üç xal qazandıqları üçün sevindiyini deyib:
“Heyətdə müəyyən dəyişikliklər etmişdik. Bu, rəqibdən asılı deyil. Ümumiyyətlə, mən rəqibin zəif olmasını ümumiyyətlə düşünmürəm. Bildiyiniz kimi, Avropa Liqasında mübarizəni davam etdiririk. Avropada meydançaya az çıxanlara şans vermişdik. Eyni zamanda, reqlamentə görə bəzi dəyişikliklər etmişdik. Sevinirəm ki, dəyişikliklərin fonunda xal itirmədik”.