Avropa Liqasının qrup mərhələsinin ilk matçında "Qarabağ" səfərdə "Tottenhem"lə qarşılaşıb və rəqibinə məğlub olub – 1:3.
İdmanxeber.com-un məlumatına görə, Ağdam klubunun baş məşqçisi Qurban Qurbanov matçdan sonra keçirilən mətbuat konfransında məğlubiyyəti belə şərh edib:
"Rəqibi təbrik edirəm. Yaxşı komanda olduqlarını bilirdik. Amma futbolçularım da bəzi epizodlarda gözləmədiyimiz səhvlər buraxdılar. Üçüncü qol haqda danışmaq istəməzdim. Çünki 1:2 ve ya 1:3 hesabı arasında fərq yoxdur. İlk oyun olduğundan, həyəcan da var idi. Ancaq növbəti oyunlarda daha yaxşı oynamağa çalışacağıq. Futbolçularıma inanıram".