Ölkə futbolu

Qurban Qurbanov Mahir haqda: “Razılaşmasaq, yolu açıq olsun”

Azərbaycan Premyer Liqasında XXV turun “Qarabağ” – “Zirə” oyunundan sonra təşkil edilən mətbuat konfransında Ağdam klubunun baş məşqçisi Qurban Qurbanov jurnalistlərin suallarını cavablandırıb.

O, əvvəlcə matç barədə fikirlərini bildirib:

– Deyəcək çox söz yoxdu. Futbolçulardan razı qaldım. Qol vurmaqda çətinlik çəkirik. Amma epizodlar yaradırıq. Sıx qrafikə görə futbolçular da əziyyət çəkir. Rəşada və “Zirə”yə uğurlar arzulayıram.

– Mahir Emrelinin adı xarici klublarla hallanır…
– Klub bununla bağlı açıqlama verib. Mahir yayda azaddı. Təklif birbaşa futbolçuya gələcək. Bəli, onun təklifləri var. Mahirlə qısa söhbətimiz oldu. Çempionat bitməmiş heç bir klubla masa arxasına oturmayacaq. Mövsümün sonunda fikirləşib doğru qərarı verər. Bizim ona təklifimiz olmuşdu. Özü də Avropaya çıxmaq istəyir. Mən də məşqçi kimi buna sevinərəm ki, daha səviyyəli çempionatda oynasın. Biz yenə təklifimizi edəcəyik, razılaşmasaq, yolu açıq olsun.

– Nemanya Andelkoviç transfer hədəfinizdədi?
– Oyununu bəyənə bilərəm, amma belə məsələ yoxdu. Hətta olsa da, deməyim düz olmaz. Müdafiəçi kimi çıxışını bəyənirəm.

– Sayılmayan qol epizodu barədə nə deyə bilərsiz?
– Hakimlər qərarları düzgün verir. Fikir bildirməyim düz çıxmaz. Meydanda olubsa, artıq baş verib.

– “Qarabağ”ın ən ağır mövsüm keçirdiyini düşünürsüz?
– Bu il statistikaya baxsaq, bizim üçün çətin dövr oldu. Zədəli futbolçularımız çoxdu. Bu gün Şahruddinin sümüyü sındı. Həddindən artıq zədəli oyunçular oldu. Buna baxmayaraq, ayaq üstə duracağıq və sona qədər mübarizə aparacağıq. Heyət baxımından, bəli, az futboıçumuz var. Ancaq gənclərimiz də çoxdu. Bu da onlar üçün faydalıdı. Buna sevinirəm. Tural, Elvin, İsmayıl artıq böyük oyunları hiss edirlər. Komandanın yaradıcılığından razıyam.

– Hegemonluğunuzun başa çatması qorxusu varmı?
– Hegemonluq düşüncəsi məmdə olmayıb. İşimə məsuliyyətli yanaşıram. İnsan daim sağlam olmaz, il ərzində nə vaxtsa xəstələnirsən. Futbol da belədi, daim çempion olmaq mümkün deyil. İngiltərədə “Lester Siti” böyüklərin mübarizəsində çempion olmuşdu. Futbolda belə şeylər olur. Ancaq bu o demək deyil li biz arxayınıq. Bu klubu bizə həvalə ediblərsə, sona qədər mübarizə aparacağıq.

– Emil Balayev son oyunlara hazırdır?
– Elə oyunçular var ki, az oynasalar da, zəif olmaları anlamına gəlmitrHər dəfə dəyişiklik etmək olmur. Emilə güvənirik. Komandaya uyğunlaşaması üçün vaxt lazım idi. Artıq özünü rahat hiss edir.

– Çempion olsaz, Qarabağa gedib qeyd edərsiz?
– Hər uğuru orada qeyd etməyə hazıram. İndi ora getmək asan deyil. Şəhərlərimiz tam bərpa olunar, inşallah, gedərik.

– Bir az fasiləyə ehtiyacınız yoxdu?
– Həm psixoloji, həm də fiziki yorğunluq var. Desək ki, yoxdu, yalan oları. Elə futbolçular var ki, mənimlə birgə burdadı. Heç də asan deyil. İstər-istəməz komandaya yenilik lazım olur. Komandamız son vaxtlatda çox yüklənib. Ağır qrafikdəyik. Futbolçularıma məsuliyyətli olduqları üçün daim təşəkkür etmişəm.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

Eminin komandası sabah La Liqa klubu ilə qarşılaşacaq

admin

«Qəbələ» «Dinamo» ilə qarşılaşacaq

admin

Azərbaycan – Rusiya matçının heyətləri açıqlandı

admin