Kateqoriyasız

Qurban Qurbanov Super Liqa klubuna “yox” dedi

“Qarabağ”ın baş məşqçisi Qurban Qurbanov Türkiyənin “Hatayspor” klubundan təklif alıb.

Ağdam klubunun çalışdırıcısı bu təklifi qəbul etməyib.

Qurbanovu yeni mövsümdən Super Liqada çıxış edəcək “Hatayspor”a ilk olaraq klubun sabiq baş məşqçisi Fatih Kavlak təklif edib. Kavlak Azərbaycan futbol azarkeşlərinə tanış addır. O, bir zamanlar “Qarabağ”da Qurbanovun köməkçisi, eləcə də “Qəbələ”nin baş məşqçisi işləyib.

Kavlakın təklifindən sonra danışıqlar bir neçə dəfə olmaqla davam etdirilib. Daha sonra danışıqlara klubun prezidenti özü də qoşulub. Əldə etdiyimiz xəbərə görə, “Hatayspor” rəhbərliyi ilə Qurbanov arasında sonuncu danışıq dünən olub. Qurban Qurbanov bu təklifə “yox” cavabı verib.

Qeyd edək ki, “Hatayspor” 2019/20 mövsümündə Türkiyə birinci liqasında çempionluğu rəsmiləşdirərək Super Liqaya vəsiqə qazanıb. Klubun komandanın hazırkı baş məşqçisi Mehmet Altıparmakla yolları ayırmaq istədiyi bildirilir. (qol.az)


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43