Azərbaycan Kubokunun 1/4 final mərhələsi çərçivəsində “Qarabağ” səfərdə “Qəbələ” ilə qarşılaşıb və rəqibinə 2 cavabsız qolla qalib gəlib.
Oyundan sonra Ağdam klubunun baş məşqçisi Qurban Qurbanov İdmanxeber.az-a açıqlamasında görüşlə bağlı fikirlərini bildirib:
“Qalib gəlmək vacib idi. Çox şükür ki, sonda qalibiyyət bizim yanımızda oldu. Heç də asan olmadı. Yaxşı müdafiə olunan və gözəl əks hücumlar quran bir komanda var idi qarşımızda. Kaxaber Sxadadze və oyunçuları ilk dəqiqədən oyunun içində oldular və bizə boşluqlar vermirdilər. “Qəbələ”yə qarşıdakı oyunda uğurlar arzu edirəm. Futbolçularımı da növbəti mərhələyə yüksəlmələri münasibəti ilə təbrik edirəm”.