“Xəzər Lənkəran”dan ayrılaraq “Qarabağ”a transfer olunan Rahid Əmirquliyev yeni komandasında rəsmi matçda debüt etməyib.
İdmanxeber.com-un məlumatına görə, əslində təcrübəli futbolçu Gəncədə “Kəpəz”lə oyunda meydana çıxa bilərmiş. Ancaq Ağdam klubunun baş məşqçisi Qurban Qurbanov millinin də şərəfini qoruyan futbolçunu riskə atmaq istəməyib. Belə ki, Gəncə şəhər stadionun qazonunun bərbad olması Qurbanovun yenicə zədədən dönən Rahidi meydana buraxmamasına səbəb olub.
Qeyd edək ki, R.Əmirquliyevin Premyer Liqanın XXII turu çərçivəsində “Neftçi” ilə oyunda meydana çıxması gözlənilir.