Azərbaycanın yunan-Roma güləşçisi Rafiq Hüseynov (77 kq.) bu gün Tokio-2020-də təsəlliverici görüşə çıxıb.
İdmanxeber.az-ın məlumatına görə, o, Tunis təmsilçisi Lamyed Maafi ilə qarşılaşıb və 11:1 hesablı qələbə qazanıb. Beləliklə, Hüseynov bürünc medal uğrunda görüşdə Ermənistan təmsilçisi Karapet Çalyanla üz-üzə gəlib. İdmançımız qalib gələrək (4:1) bürünc medal qazanıb.
Bu, Azərbaycanın Tokio-2020-də üçüncü bürünc medalı, güləşçilərimizin isə birinci medalı olub.