13 Yanvar 2025
Dünya futbolu

“Rakuv” yenidən “Qarabağ”a rəqib ola bilər

UEFA Avropa Liqasında qrup mərhələsinin daha 3 iştirakçısı məlum olub.

İdmanxeber.az-ın məlumatına görə, Çempionlar Liqasının pley-off matçlarında uğursuz nəticələr qazanan AEK (Yunanıstan), “Reyncers” (Şotlandiya) və “Rakuv” (Polşa) klubları yoluna Avropa Liqasında davam edəcək. 

Əgər bu gün təmsilçimiz “Qarabağ” Sloveniyanın “Olimpiya” klubu ilə keçirəcəyi AL-in pley-off cavab matçında da sərfəli nəticə qazansa, o zaman yuxarıdakı komandalardan hər hansı biri turnirin qrup mərhələsində “köhlən atlar”ın rəqibi ola bilər. 

“Rakuv”un səbəti artıq məlumdu. Polşalılar sonuncu səbətdə yer alacaq ki, 2 və ya 3-cü səbətdə qərarlaşacaq Qurban Qurbanovun yetirmələrinin yenidən “Rakuv”la üz-üzə gəlmək ehtimalı var.

AL-ın qrup mərhələsinin püşkü sabah Monakoda atılacaq.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43