“Real”ın baş məşqçisi Karlo Ancelotti qış fasiləsində transfer etməyəcəklərini açıqlayıb.
İdmanxeber.com-un məlumatına görə, təcrübəli mütəxəssis bundan əlavə Ernandesi satmaq fikirlərinin olmadığını da dilə gətirib:
“Ernandes komandadakı rolunu bilir. Digər hücumçular daha yaxşı olduqları üçün o, nadir hallarda meydana çıxır. İspaniya Kubokunda və “Ludoqorets”lə görüşdə ona şans vermişəm. Əminliklə deyə bilərəm ki, qışda komandadan ayrılmayacaq. Yanvarda heç kimi satmayacağımıza görə transfer də olmayacaq. Qışda heyəti gücləndirməyə ehtiyacımız yoxdu”.