“Real” heyətini iki futbolçu ilə gücləndirmək niyyətindədi.
İdmanxeber.az “Marca”ya istinadən xəbər verir ki, “kral klubu” “Liverpul”dan Trend Alexander Arnoldla “Bavariya”nın futbolçusu Alfonso Deyvisi transfer etmək istəyir. Hər iki oyunçunun klubları ilə yayda müqaviləsi başa çatır.
Madrid təmsilçisi də bu fürsətdən istifadə etmək istəyir. Rəhbərlik oyunçuları azad agent statusunda heyətinə qatmağı düşünür. Futbolçularla klubları ilə müqavilə uzatmaması üçün danışıqlar aparılır.
Bu mövsüm Alexander-Arnold bütün turnirlərdə “Liverpul”un heyətində 24 matçda 1 qol vurub və 5 məhsuldar ötürmə edib. Deyvis isə “Bavariya”da 21 oyunda 1 qol və 3 məhsuldar ötürmə edib.