“Real”ın prezidenti Florentino Peres bir neçə aydır “Bayer “in baş məşqçisi Xabi Alonsonun ətrafı ilə danışıqlar aparır.
İdmanxeber.az-ın məlumatına görə, ispaniyalı mütəxəssis Madrid klubunun təklifinə şifahi razılıq verməyə yaxındır. Əgər Karlo Ançelotti zəif nəticələrə görə qovulsa, Raul yaya qədər komandaya rəhbərlik edəcək. Bundan sonra onu Xabi Alonso əvəzləyəcək.
Futbolçu kimi “Real”da çıxış edən Xabi Alonso 2022-ci ilin oktyabrından “Bayer”i çalışdırır. Ötən mövsüm Leverkuzen komandası Almaniya çempionu olub və ölkə kubokunu qazanıb.