“Əhvalım yaxşı deyil. Çünki biz qalib gələ bilmədik. Amma rəqibimiz yüksək səviyyəli idi. Oyunçuları da həmçinin. Nəticə belə oldu. Bu oyuna baxacağıq, analiz edəcəyik. Bu görüşdə etdiyimiz səhvləri növbəti oyunda təkrarlamamağa çalışacağıq”.
Bunu İdmanxeber.com-a açıqlamasında “Qəbələ”nin müdafiəçisi Rikardinyo deyib.
“Qırmızı-qaralar”ın üzvü Almaniyadakı oyunun da çətin olacağını bildirib: “Əlbəttə çətin olacaq. Rəqib çox güclüdü. İlk görüşdə gördük ki, rəqib necə oynayır, hansı gedişlərə üstünlük verir. Artıq “Borussiya”nın necə oynadığını bilirik. Yəqin ki, səfər matçında bizə nisbətən daha rahat olacaq oynamaq. Çünki artıq “Borussiya”nın oyununu bilirik”.