Bu gün Azərbaycan Premyer Liqasının 23-cü turunda “Qəbələ” səfərdə AZAL-la 1:1 hesablı bərabərlik əldə edib.
İdmanxeber.com-un məlumatına görə, matçdan sonra keçirilən mətbuat konfransında “Qəbələ”nin baş məşqçisi Roman Qriqorçuk jurnalistlərin suallarını cavablandırıb:
– Komandamın oyunundan razıyam. Xal itirdiyimizə görə məyusam. Sadəcə, epizodlarımızdan istifadə edə bilmədik. Bu səbəbdən xal itirdik.
– “Qarabağ”ın bu gün xal itirməsinə inanırsınızmı?
– Bu barədə fikirləşmək istəmirəm. Bizə hazırda “Qarabağ”la oyunumuzu düşünürük. Çalışacağıq ki, “Qarabağ”da oyunda xal itirməyək.
– Komanda son oyunlarda xal itirir. Sizcə, “Qəbələ” çempion olmağa hazırdırmı?
– Bunu nə təsdiq, nə də inkar edə bilmərəm. Qarşıda 5 oyunumuz var. Bu suala çempionatın sonunda cavab verə bilərəm.
– Son günlər yenidən Qriqorçukun Ukrayna klublarından birinə keçidi gündəmdədir. Bu söhbətlərə son qoya bilərsinizmi?
– Bu tip mövzülərə fikir bildirmək istəmirəm. Konkret olaraq şərhsiz deyirəm. Hazırda “Qəbələ”nin çətin vəziyyətdə olduğunu düşünmürəm.