Madrid “Real”ının ulduz futbolçusu Kriştiano Ronaldo Braziliyada keçiriləcək dünya çempionatında favoritlərini açıqlayıb.
Portuqaliya millisi ilə İsveçi pley-off-da məğlub edərək mundiala vəsiqə qazanan Ronaldo püşkatma öncəsi bunları deyib:
“Braziliya, İspaniya və Almaniya DÇ-2014-ün favoritləridi. Onlarla qarşılaşmaq istəməzdim. Ancaq hər şeyi püşk müəyyənləşdirəcək. Biz də yaxşı vəziyyətdəyik. Mundiala vəsiqə qazanmaqla ilk vəzifənin öhdəsindən gəldik və inanıram ki, turnirdə özümüzü yaxşı tərəfdən göstərə biləcəyik”.