Madridin “Real” klubunun ulduz futbolçusu Kriştiano Ronaldo növbəti uğuruna imza atıb.
İdmanxeber.com-un məlumatına görə, ötən gün “Espanyol”la oyunda het-trik edən portuqaliyalı futbolçu “Real”da vurduğu qolların sayını 310-a yüksəldib. Bununla da, Ronaldo klubun canlı əfsanəsi Alfredo di Stefanonu geridə qoyub. Di Stefano “Real”ın heyətində 307 dəfə rəqib qapılarına yol tapıb.
“Kral klubu” tarixində ən çox qol vuran futbolçu Raul Qonzalesdi – 323 qol. Ronaldo daha 14 qol vurmaqla Raulun rekordunu qırmış olacaq.