Rövnəq Abdullayevin Azərbaycan Respublikası Dövlət Neft Şirkətinin prezidenti vəzifəsindən azad olunmasından sonra onun AFFA-nın rəhbəri vəzifəsindən gedəcəyinə dair fikirlər artıb.
İdmanxeber.az xəbər verir ki, AFFA-nın mətbuat xidmətinin rəhbəri Firuz Abdulla Rövnəq Abdullayevin hazırda AFFA-nın prezidenti kimi fəaliyyətini davam etdirdiyini bildirib: “Onu bu vəzifəyə Konfrans seçir. 2020-ci ildə keçirilmiş son hesabat-seçki Konfransında Rövnəq Abdullayev daha 4 il müddətinə milli assosiasiya prezidenti seçilib” – deyə, AFFA rəsmisi bildirib.
F.Abdulla hazırda AFFA-da növbədənkənar Konfransın keçirilməsinin gündəmdə olmadığını da bildirib.
Rövnəq Abdullayev 2008-ci ildən AFFA-nın prezidentidi. (Qol.az)