Misli Premyer Liqasında 6-cı tur davam edir.
İdmabxeber.az xəbər verir ki, günün ilk oyununda “Kəpəz” doğma meydanda “Səbail”i qəbul edib. Görüş qonaqların qələbəsi ilə başa çatıb -3:0.
Bu qələbənin ardından xallarının sayını 10-a çatdıran “Səbail” ikinci pilləyə yüksəlib. Gəncə təmsilçisi isə 4 xalla 9-cı sırada yer alır.
Günün digər görüşündə “Neftçi” “Araz-Naxçıvan”ın qonağı olub. Oyun ev sahibi komandanın qələbəsi ilə başa çatıb – 1:0.
Bu nəticənin ardından Naxçıvan təmsilçisi xallarının sayını 10-a çatdıraraq, “Səbail”lə bərabər 2-3-cü pilləni bölüşür. “Ağ-qaralar” isə aktivindəki 8 xalla 4-cü sıraya geriləyib
Qeyd edək ki, tura dünən 1 oyunla start verilib və sabah 2 oyunla yekun vurulacaq.
16 sentyabr (şənbə)
16:00. “Kəpəz” – “Səbail” 0:3
Qollar: Yusif Nəbiyev, 2, Valdemar Almeyda, 16, Aleksandr Ramalinqom, 54
Hakimlər: Rəvan Həmzəzadə, Namiq Hüseynov, Şirmamed Mamedov, Rövşən Rəcəbov
Gəncə şəhər stadionu
18:00. “Araz-Naxçıvan” – “Neftçi” 1:0
Qol: Orxan Əliyev, 81-pen.
Hakimlər: İnqilab Məmmədov, Pərvin Talıbov, Kamran Bayramov, Əli Əliyev
“Dalğa Arena”