Misli Premyer Liqasının son 3 turunda maksimum nəticə qazanan “Səbail”in futbolçuları “Kəpəz” üzərindəki inamlı qələbəyə görə də mükafatlandırılacaq.
İdmanxeber.az-ın məlumatına görə, Gəncədə rəqibinə 3 cavabsız qol vuran Bayıl təmsilçisinin hər bir üzvü 2 min manat mükafat alacaq. Klub rəhbərliyi hər qələbədən sonra futbolçuları mükafatlandıracağını bildirib.
Qeyd edək ki, “Səbail”in futbolçuları 4-cü turda “Turan Tovuz” üzərində qələbəyə (3:1) 2 min manat, 5-ci turda isə “Qarabağ”la matçda əldə olunan vacib 3 xala qarşılıq isə 3 min manat “premya” almışdılar.