“Sabah” klubu “Beşiktaş”la xeyriyyə məqsədli yoldaşlıq oyunu keçirəcək.
Mayın 13-də Tofiq Bəhramov adına Respublika Stadionunda baş tutacaq qarşılaşmadan əldə edilən gəlir Türkiyədə baş vermiş zəlzələdən əziyyət çəkən insanlara bağışlanacaq.
Azarkeşlərin səbrsizliklə gözlədiyi matç ölkəmizdə canlı yayımlanacaq. İdmanxeber.az-ın əldə etdiyi məlumata görə, futbolsevərlər oyunu “İctimai TV” vasitəsi ilə izləyə biləcəklər.
İTV ilə yanaşı, matçın “İdman Tv”dən də canlı yayımlanma ehtimalı var.
Məsələ hələlik dəqiqləşməsə də, tamaşaçıların “Sabah” – “Beşiktaş” oyununu Azərbaycanda iki kanaldan izləmə ehtimalı var.