UEFA Konfrans Liqası II təsnifat mərhələsi çərçivəsində keçiriləcək “Sabah” – “Makkabi” görüşünə bilet satışları davam edir.
Klubun mətbuat xidmətindən İdmanxeber.az-a verilən məlumata görə, görüşə minə yaxın bilet satılıb. Hazırda da satışların davam etdiyi və oyun gününə qədər bu rəqəmin artacağı bildirilib.
Qeyd edək ki, “Sabah” – “Makkabi” matçı avqustun 1-də, saat 20:00-da “Bank Respublika Arena”da baş tutacaq. Oyuna gecikən tamaşaçılar (1-ci hissə bitəndən sonra) stadiona buraxılmayacaq. Stadiona qida məhsulları, şüşə və plastik qablarda içki, bərk bağlamalı olan qablarda və bankalarda qida məhsulları ilə daxil olmaq qadağandır.