Bu gün Azərbaycan Premyer Liqasında 13-cü tura yekun vurulacaq.
İdmanxeber.az-ın məlumatına görə, turun son matçında “Sabah” “Qarabağ”ı qonaq edəcək.
Paytaxt klubu stadionu doldurmaq üçün tələbələri oyuna cəlb edəcək. Əldə etdiyimiz məlumata görə, 1000-dən çox tələbə Ağdam klubu ilə oyunda “Sabah”a dəstək olacaq. Klub boş tribunalardan qurtulmaq üçün onları dəstəkləyəcək tələbələrin gediş-gəliş xərclərini də qarşılayacaq.
Qeyd edək ki, görüş saat 20:00-da başlayacaq.