“Sabah” və “Qarabağ”ın avrokuboklardakı qələbəsi Azərbaycana UEFA reytinqində daha yarım xal qazandırıb.
İdmanxeber.az-ın məlumatına görə, “Qarabağ” Finlandiyanın HİK klubunu 2:1, “Sabah” isə “Bank Respublika Arena”da Konfrans Liqası matçında Serbiya “Partizan”ını 2:0 hesabı ilə məğlub edib.
Bununla da xallarının ümumi sayını 16,250-yə çatan Azərbaycan reytinqdə 29-cu pillədədir. Bir addım irəlidə olan Slovakiya ilə aradakı fərq cəmi 0,250 əmsala bərabərdir.
Reytinqə 88,928 xalla İngiltərə başçılıq edir. İspaniya (75,927) ikinci, İtaliya (71.569) isə üçüncü pillədə qərarlaşıb.