Bir vaxtlar “Xəzər Lənkəran”ın formasını geyinən Adrian Pit ölkəsinin mətbuatına müsahibə verib.
Rumınıyalı futbolçu Azərbaycadakı karyerası ilə bağlı da danışıb. O, son dövrlərdə Azərbaycanda görülən işlərin irəliyə doğru inkişaf olduğunu bildirib:
“Son 7 ildə 7 stadion tikiblər. “Formula-1” üzrə Qran Piri Bakıda keçirilir. Azərbaycan inkişaf edən ölkədir, yaxşı pulları var. “Qarabağ”ın Avropa Liqası və Çempionlar Liqasının qruplarına yüksəməsini buna misal göstərmək olar. Onlar 10 ildir ki, Qurban Qurbanovun rəhbərliyi altında uğurlar qazanırlar. Azərbaycan reallıqlarından təsriləndim”.
Adrian Pit 2011-2014-cü illərdə “Xəzər Lənkəran”da çıxış edib.