Azərbaycan Premyer Liqasının debütantı “Səbail” bu qış transfer pəncərəsi dönəmində ilk transferini rəsmiləşdirib.
İdmanxeber.com-un məlumatına görə, paytaxt klubu gənc və perspektivli yarımmüdafiəçi Fəhmin Muradbəylini heyətinə qatıb.
Bu barədə klubun mətbuat xidməti məlumat yayıb. Məlumatda bildirilir ki, Muradbəyli “Səbail”də icarə əsasında çıxış edəcək. Müqavilənin müddəti barədə açıqlama verilməsə də, böyük ehtimalla tərəflər mövsümün sonunadək anlaşıblar.