Antalyada II dövrə hazırlıqlarını davam etdirən “Səbail” heyətini iki qapıçı ilə gücləndirib.
İdmanxeber.com-un məlumatına görə, “Qarabağ”dan Emil Balayev və AZAL-dan Rəşad Əzizli mövsümün sonuna qədər icarə əsasında komandanın şərəfini qoruyacaq.
“Neftçi”nin yetirməsi olan 22 yaşlı Emil Balayev indiyədək “Neftçi”, “Sumqayıt”, “Araz Naxçıvan”, Almaniya “Ayntraxt Frankfurt”u və son olaraq “Qarabağ”ın şərəfini qoruyub.
Bir neçə dəfə “A” milli komandaya da dəvət alan Emil U-21 millimizin də formasını geyinib.
23 yaşlı Rəşad Əzizli isə “İnter”, “Neftçi”, “Simurq”, “Rəvan” və son olaraq AZAL-ın uğurları üçün tər töküb. Əzizli U-17, U-19 və U-21 millilərimizin də formasını geyinib.