UEFA Çempionlar Liqasının III təsnifat mərəhləsinin cavab görüşündə "Seltik"lə qolsuz heç-heçə edən "Qarabağ" mərhələni dayandırıb.
İdmanxeber.com-un məlumatına görə, qarşılaşmanın gedişində Qlazqo klubunu dəstəkləmək üçün Şotlandiyadan gələn fanatlarla bizim azarkeşlər arasında gərginlik yaşanıb. Belə ki. "Qarabağ Qisas" fan-klubunun üzvləri təxribata əl atmaq istəyən şotlandiyalı fanatların cavabını elə yerindəcə veriblər.
Fan-klubdan saytımıza bildirilib ki,"Seltik"in bir azarkeşi "Qarabağ Qisas"ın qərarlaşdığı tribunaya daxil olaraq gizlicə "Qarabağ"ın atributlarından birini ələ keçirəmək istəyib. Nəticədə bizim azarkeşlər cəld tərpənərək "Seltik" fanatının bu istəyini gözündə qoyublar. Polislər "Seltik" azarkeşini bizim fanatların əlindən alaraq, onların qərarlaşdığı tribunaya sağ-salamat çatdıra biliblər. "Qarabağ Qisas" fan-klubunun azarkeşləri isə buna qarşılıq olaraq həmin azarkeşin üzərində olan klub atributunu ələ keçirməyə müvəffəq olublar.
Bundan sonra "Seltik"in "Qarabağ" atributuna hörmətsizlik etməsi mümkün olmayıb. Əvəzində yerli azarkeşlər "Seltik"in atributunu ələ keçirərək, üzərinə "Qisas" yazıblar.
