“İlk oyunda qapımızı toxunulmaz saxlamağı bacardıq. Əsas olan qol buraxmamaq idi. Bundna əlavə qələbə qazanmaqla da işimizi daha da yaxşılaşdırdıq. “Seltik” güclü rəqibə qarşı mübarizə apardı. Bu komanda bizimlə görüşdə də necə səviyyəli rəqib olduğunu göstərdi. Əla texniki göstəricilərə malikdirlər. Topla çox yaxşı davranırlar, səliqəli oynayırlar”.
İdmanxeber.com-un məlumatına görə, bu sözləri Şotlandiyanın “Seltik” klubunun qapıçısı Kreyq Qordon UEFA Çempionlar Liqasının üçüncü təsnifat mərhələsi çərçivəsində “Qarabağ” qarşı keçirdikləri ilk oyunu (1:0) şərh edərkən deyib.
Təcrübəli qolkiper mərhələ keçəcəklərinə əminliyini vurğulayıb:
“Minimal hesabla qalib gəlsək də, bu, elə də böyük üstünlük sayıla bilməz. Ona görə də səfərdə “Qarabağ”a mütləq qol vurmalıyıq. Meydana hansı futbolçuların çıxmasından asılı olmayaraq, buna çalışmaq lazımdır. “Qarabağ” bizə qol vura biləcək gücdə olduğunu göstərdi. Bu üzdən biz də cavab matçında qol vurmaq haqda düşünməliyik. “Qarabağ”ı keçmək üçün xüsusilə müdafiə xəttində çox diqqətli və ağıllı oynamalıyıq“.