2024/2025 mövsümünə hazırlıqlarını davam etdirən “Kəpəz” heyətini yeni futbolçu ilə gücləndirib.
İdmanxeber.az-ın əldə etdiyi məlumata görə, Gəncə təmsilçisi braziliyalı Braqa ilə anlaşıb. Tam adı Joao Viktor da Silva Braqa olan 22 yaşlı vinger Adil Şükürovun rəğbətini qazana bilib.
Karyerası boyunca ölkəsində çıxış etmiş braziliyalı futbolçu son olaraq “Aquya de Maraba” klubunda oynayıb. O, müxtəlif illərdə Braziliyanın “Vitoriya”, “Vera Kruz”, “Retro”, “Rio Branko” kimi klublarında da formasını geyinib.
Braqa ilə 1+1 illik müqavilə imzalanması gözlənilir.