Topaz Premyer Liqası XVII turu çərçivəsində keçirilən və hazırda davam edən "Qarabağ" – "Sumqayıt" matçında xoşagəlməz hal yaşanıb.
İdmanxeber.com-un "Azersun Arena"ya ezam olunmuş müxbirinin verdiyi məlumata görə, matçın 79-cu dəqiqəsində yan xətt hakimi bayrağını qaldıraraq qonaqların leyhinə cərimə zərbəsi təyin etdi.
"Qarabağ"ın futbolçuları isə buna etiraz edib. Kapitan Rəşad Sadıqov etirazını iyrənc hərəkətlə bildirib. Belə ki, o, hakimə tüpürərək qərara narazılığını bildirib.