Uzun müddətdir sponsorsuzluqdan əziyyət çəkən “Kəpəz” nəhayət ki, bu problemi yoluna qoyur.
Gəncə təmsilçisi yaxın vaxtlarda yeni sponsoruna qovuşa bilər. Bununla da yalnız dövlətdən ayrılan dotasiyaya bel bağlayan, əlavə maliyyə dayaqları olmayan klub çətin günləri geridə qoyacaq.
“Kəpəz”in İdarə Heyətinin sədri İlqar Nadiri İdmanxeber.az-a açıqlamasında xəbəri təsdiq edib. O, bildirib ki, qısa zamanda gəncəli fanatlar “Kəpəz” adına xoş xəbərlər eşidə bilər:
“Sponsor məsələsində yeniliklər var. Yaxın vaxtlarda ola bilər ki, “Kəpəz” adına müsbət xəbərlər eşidək. Uzun zamandır ki, danışıqlar var. Artıq yekunlaşmaq üzrədi”.