Azərbaycan millisinin futbolçusu Mahir Emrelinin Cənubi Koreyanın “Seul” klubu ilə demək olar ki, anlaşıb.
İdmanxeber.az-ın əldə etdiyi məlumata görə, tərəflər arasında bir müddətdi ki, davam edən danışıqlar müsbət yekunlaşıb. K Liqa 1 təmsilçisi Emrelinin mümkün keçidi ilə bağlı “Nürnberq”lə də ortaq məxrəcə gələ bilib.
“Seul” 27 yaşlı hücumçu üçün qarşı tərəfə müəyyən məbləğdə təzminat da ödəyəcək.
Cənubi Koreyada transfer dönəmi martın 22-də başa çatacaq.
Qeyd edək ki, Mahir Emreli ötən yay “Nürnberq”ə keçib.