“Qremio”nun hücumçusu Luis Suares “İnter Mayami”yə keçməyə yaxındır.
İdmanxeber.az-ın məlumatına görə, 36 yaşlı uruqvaylı 2024-cü ilin yanvarında azad agent kimi MLS komandasına qoşulacaq. Bildirilib ki, forvard “Barselona”da birlikdə çıxış etdiyi Lionel Messi, Xordi Alba və Serxio Busketslə eyni komandada oynamaq istəyir.
Bu mövsüm Suares bütün turnirlərdə 46 matçda iştirak edib, 19 qol vurub və 16 məhsuldar ötürmə edib.